صحة وحياة .. بقلم د. ساره عليان

عملية Ovarian cystectomy “ازالة كيس المبيض ” :

شو الدوافع لهاي العملية ؟!

كتير بنات و ستات بصير عندهم أكياس على المبيض خلال فترة من حياتهم ،و غالباً هاي الأكياس ما بتعمل أي أعراض و ممكن يتعايشو معها ، بس ممكن تكون هاي الاكياس بتسبب وجع شديد في منطقة اسفل البطن خصوصاً في فترة الدورة الشهرية، و ممكن -لا سمح الله- تكون هاي الأكياس مش من النوع البسيط و بتميل انها تكون خبيثة ..

ينصح بعمل العملية اذا :-

١- كانت الاكياس موجودة على كلا المبيضين
٢- لم تختفي الاكياس خلال شهرين الى ثلاثة أشهر من متابعتها
٣-الالتراساوند ببين انها مش اكياس بسيطة
٤- في قلق من وجود ورم خبيث
٥-الكيس حجمه كبير (اكتر من ٢.٥ انش)

طرق العملية :-
1-Laparascopic Surgery

بعد التخدير العام ،بتتم العملية عن طريق عمل ٢-٣ فتحات صغيرة بالبطن لنوصل للمبيض بالمنظار laparoscope الي بكون عليه كاميرا بتنقللنا الصورة عالشاشة و من ثم نستأصل الكيس بالأدوات الجراحية بطريقة بسيطة ، و بتقدر بعدها المريضة تروح على بيتها بنفس اليوم

* ينصح بهاي العملية اذا كانت الاكياس بسيطة Simple Cysts
و صغيرة و غير مشتبه انها تكون خبيثة و عمر البنت صغير (طفولة او مراهقة او سن الانجاب)

2- Open Surgery (الي انا شفتها)

بعد التخدير العام ، بنعمل شق كبير اسفل البطن و بنفصل عضلات البطن لنوصل لداخل البطن و بنكون شايفين المبيض قدامنا و بنستأصل الكيس جراحياً ،- مرات الكيس بينفجر و احنا نستأصله و بيطلع منه سائل -، بناخظ خزعة من الكيس للمختبر لنتأكد انه مش ورم خبيث

* ينصح بهاي العملية لما يكون الكيس كبير و شاكين بورم خبيث
مدة العملية هاي من ساعة لساعتين و لازم تضل البنت بالمستشفى ٣ ايام بعد العملية ، وجع البطن بعد العملية ممكن يستمر ل١٠ ايام

من مضاعفات العملية : الخثرات الدموية ، الالتهابات ، التصاقات الرحم

سواء اخترنا العملية الاولى او التانية ، في نسبة انه يرجع يطلع كمان كيس على المبيض بعد فترة ، الحل الامثل هون استئصال المبيض لكن ما بنلجأله الا كآخر حل عشان نحافظ على قدرتها الانجابية

بالصورة التانية كيس مبيض حجمه ٥٠ باوند تم استئصاله من مريضة بولاية Alabama

ارائكم عن هاد النوع من المواضيع؟